اسهل كيك رولي بالشكلاط و الليمون بالصور

السلام عليكم ورحمة الله و بركاته جبت ليكم اسهل كيك رولي بالشكلاط و الليمون بالصور كيجي لذيذ و سهل التحضير

مقادير اسهل كيك رولي بالشكلاط و الليمون بالصور

الجنواز

• 5 البيضات
  
• 150 غرام ديال سنيدة
  
• 150 غرام ديال دقيق
  

الحشوة

• كاس دانون
  
• نصف زلافة ديال شكولاتة
  

التزيين

• كاس كبير ديال الليمون
  
• 2 معلق كبار ديال ميزنا
  
• شوية ديال شوكولا
  

طريقة تحضير اسهل كيك رولي بالشكلاط و الليمون بالصور

• كنطربو البيض مع سنيدة حتى يتضاعف الحجم ديالو
  

• كنضيفو الدقيق او كنحركو غير بشوية
  

• من بعد كنديروه فلاطة مفروشة بورق الزبدة
  

• ندخل الكيك رولي للفرن يكون سخون او منين طيب نخرجها
  
• نروليوها و نديروها فمنديل يكون مبلل شي شوية او نخليوها على جنب
  

• كندوبو دانون مع الشكلاط
  
• و كنسرحوه فوق لكيك او نلفها
  

• من بعد كندير الليمون مع ميزنا فوق العافية
  
• و نبقاو نحركو حتى يتقال الخليط
  
• ونزينو به كيك رولي بالشكلاط و الليمون
  

• او كنكبوه فوق الكيك رولي و كنزينو الكيك بالشوكلاط ولا كيبق اختياري
  
• لكل سيدة ممكن تكتف بسكر صقيل انا كيعجبني المنظر بهذا الشكل
  
• ونقدمو الكيك رولي بالشكلاط و الليمون